2006-11-12

Nach Joh... nach Sydney

Sch.......ön isch äs, ume z Sydney z si, oder so. Ja, dir heit richtig gläse, mir si ume z Sydney. Igentlech wär das scho korrekt, aber nid für ä ganze Tag, sondern nume für zwo Stung.
Aber wi immer, fange mir äm Afang a. Dr Wecker het bi üs Hüt um di haube sächse tschädderet, dass isch uuuuu früech. Mir hei de när uschequet u si mit äm Taxi zum Flughafe gfahre. Dert het no aues klappet mit, bis d Durchsag cho isch, dass sech dr Flug um zäh Minute tuet verspäte. Guet, isch no dinne gläge, aber äs si immer wieder zäh Minute drzue cho, bis mir de schlussändlech mit angerhaub Stung verspätig abgfloge si, toll.
Wo mir de z Sydney si glandet, hei mir no üses Gepäck müesse ga hole, dass heisst, ume warte. Churz nach de zähne hei mer de das o gha u i 35 isch/ wär üses Flugi gstartet. Mir hei de no mit äm tüüre Taxi vom einte Terminal zum angere müesse gwägelet wärde u äs isch äuä aune klar, dass äs üs nüme het glängt für Richtig Johannisburg z Flüge. Mir si de üs när ga erkundige, wie wen u was, aber äs het logischerwis niemer wöue tschued si, dass mer dä Flug hei verpasst.
Mir hei de äm Ruedi, sei dank, aglüte u dä het de di Sach i d Hang gno. Ize chö mir de Morn Richtig Johannisburg flüge. Mir hoffe ize, dass mir de nid no einisch dr ganz Flug müesse zahle, wüu mir hei scho gnue Unchöschte gha mit däm Maleur. Dr Flug wo mir vorgha hei, vo Johannisburg nach Kapstadt, dä chö mir o i Wind schriebe!
Mir hei üs de da z Sidney äs Hotel gsuecht u si de när a Hafe abe gange. Dert het äs ä Aborigines-Lade, u dert spiut eine wahnsinnig toll Didgeridoo. Mir si scho bim erschte Bsuech z Sydney dert häre, u dass isch Hüt üses tröschterli gsi!

Hei de när ono grad zwo CD's vo ihm poschtet. Ize si mer a dere CD lose, schriebe z Tagebuech u überlege üs ono grad glichzytig wo mer wei ga ässe. Hoffe ize, dass de Morn aues klappet, wüu schüsch wird äs de würklech äng für ume retour i d Schwyz z cho.

So jetzt muss ich auch noch meinen Senf dazu schreiben.
So wie es ausschaut, müssen wir froh sein, wenn wir 'nur' den Flug von Johannisburg nach Kapstadt im Wert von 600 Franken vergessen können. Es kann auch sein, dass die uns auch noch den Flug nach Johannisburg nochmals in Rechnung stellen. Natürlich wäscht sich Virgin Blue, die Fluggesellschaft mit der Verspätung ihre Hände in Unschuld. Wir hätten halt, nochmals eine Stunde früher planen müssen... Steht natürlich nirgends auf den Tickets, wahrscheinlich tief in ihren Webseiten zwischen den Zeilen des Kleingedruckten versteckt.
Bei solchen Sachen kann man sich wirklich nur aufregen, beim Werben sind sie alle fett mit von der Partie, wenn dann mal was schief geht, verziehen sie sich in ihre Höhlen.
An dieser Stelle muss ich noch ein grosses Lob an Ruedi ausprechen. Als ich ihn nach Mitternacht, schweizer Zeit, angerufen habe, ist er nochmals in Büro gefahren und hat sich mit dem Reisebüro via London in Verbindung gesetzt und die haben uns den Flug nach Johannisburg um einen Tag auf den Montag verschoben.
Ich werde euch auf jeden Fall auf dem laufenden halten. Mal sehen was unsere beiden Annullationsschutzversicherungen sagen. Wahrscheinlich haben wir die auch jahrelang umsonst bezahlt. Schade für eine sonst so gelungene Reise. So jetzt habe ich genug Frust geschoben

jetzt gehen wir Nachtessen...