2006-10-17

Ankunft in Sydney

So, mir si z Sydney ändlech acho!!!! I ha äs fasch nüme gloubt, aber äbe, ize isch äs gschafft. Nacheme usgiebige check am Zou si mir de mit ämä chline Bus zum Hotel bracht worde. Dr Linksverchehr isch rächt gwöhnigs betürftig, voraumem si si eher ungeduedegi Outofahrer.

Chum si mer im Hoteu gsi, het ä Oustralischi SIM- Charte häre müesse. I muess sicher nid säge, wär das het wöue, oder?

Ha de när o müesse merke, dass d Zyt für d Fuessgänger, wo äs grüen isch, nüd für ne Bärnere isch! Viellecht isch das ize eifach nume dr Fau, wüu mir, oder ömu i, müde und abe gekeibet si.
Nähär hei mer de ume einisch gluegt, ob mir ir horizontale überhoubt no chö liege u schlafe, oder ob mer das evtl. verlehrt hei vor luter hocke. Äs isch ömu gange, u wie!!!
Hei dr Wecker uf di siebne gsteut gha, aber wo är tschädderet het, isch är eifach abgsteut worde, wi me das so macht. Si de när ersch drei Stung speter ufgstange!

Wi dir gseht, isch üses Hotelzimmer rächt chli, u z WC u d Duschi isch usserhaub. Hei ize ab Morn äs angers Zimmer inkl. WC u Duschi. So mit isch äs äuä o klar, dass mir für Backpackers nid geignet si!!!

Bi üs geit äs ize gäge Mitternacht zue, dass heisst, das mir äuä nüme lang wärde mache. So wi i mi Ma kenne, het är scho äs grosse Programm für dr morgig Tag parat, aber lö mir üs einisch la überrasche.