2006-11-03

Ruhetag!

Mir chö äs auso no u hei äs nid verlehrt! Dir fraget nech ize sicher was das isch. I säge äs öich, äs isch z Usschlafe!!! Si Hüt nid äm sächsi, siebni oder achti ufgstange, nei, sondern ersch äm zähni! Äs isch u schön gsi, lenger z schlafe u het o guet ta. Mir si de när im Bahnhofzenter chli ga däsume schnöigge u hei ömu no sache gänggelet, oder wi d Zürcher würde säge, krömlet. Wo mer so däsume glofe si, hei mer de när ä Bäckerei gfunge, wo RICHTIGS Brot tuet verchoufe, mit ärä knusprige Rinde! Hei de gwüss grad müesse zue schla. Hei de ohno Gipfeli kouft, wo aber da eher süess si.

Nachdäm mir de z Zmorge/ z Mittag hei gässe, si mer de no einisch ga liege. Dr Tom isch us solidaritäische Gründ mitcho

Mir hei dr Wecker ä Stung speter gsteut, aber wo är de tschädderet het, isch äs üs nid so drum gsi für zum ufstah. Leider het aber z witere Programm grüeft wi zum Bispiu no fertig wösche u de afa d Koffere packe für Morn. Dr Tom isch de no schnäu zur Reception gange für zum Abkläre ob ächt aues i.O. isch mit üsem Flug. Leider het üs d Barb nid chönne witerhäufe u so hei mer de no einisch iz Bahnhofszäntrum müesse. Vom Flug här isch aber zum Glück aues klar. Aschliessend hei mer no üses Outo retour gä! Äs isch äs guets Truckli gsi, wo üs tröi Dienschte het gleischtet! Mir si de när z Fuess i d City glofe. Plötzlech ghöre mir äs ufgregts gschnädder, wo mer nid rächt hei gwüsst wo iordne. Hei de när afa ume luege u hei ä Boum mit komische Zäpfe gseh.

Dr Tom isch de necher häre gange u aus was hei sech de när di Zäpfe entpuppt. Lueget säuber

Ize gö mir de no gmüetlech ga ässe u när müesse, oder dr Tom muess, no witer packe. Är isch sehrwahrschinlech so guet im Packe, wüu är bi de Compis o immer muess optimiere

Wi scho chli atönt, geits de Morn witer mit äm Flugzüg. Mir wärde bis Adelaide flüge u i hoffe ganz fescht, dass üs de dert chli agnähmeri Tämparature wärde empfange.