2006-11-11

Melbourne

Nachdäm mir bis äm zähni gschlafe hei, was übrigens guet ta het, si mer üses Outo zum Hertz ga zrügg bringe.

Hei de när z Fuess d City erkundiget. Äs het da verschiedeni Ichoufszänter, wo grad über mehreri Strasse gö. Si si de aube mit ärä Brügg verbunge. Im einte Ichoufszäntrum het äs dinne sogar no äs auts Huus gha. Sehr wahrschinlech isch das z schön gsi für zum abrisse, oder äs isch z tür worde. Jedefaus het me de dr Turm wo däm Hus, ungerere Glaskupple "verstout".

Mir si de plötzlech are strass glandet, wo si abgsperrt hei gha. Hei nid rächt gwüsst was das söu, hei nume irgendwo ä Bühni gseh, wo "Plüschtier" vo Warner Bros Comic drufe tanzt hei. Hi däm Gscheh no chli zue gluegt u när isch äs de witer gange. Dr Bahnhof vo Melbourne hätte mir gärn no vo inne gseh, aber leider isch das nume müglech, we me äs Billet het, was mer natürlech nid hei gha.

Langsam si mer de ume retour zum Hotel glofe. Plötzlech si mer are Strass wo si totau abgriglet hei. Gwungerig wi mer si, si mer de dert bliebe stah, u hei dene viune Lüt zue gluegt.

Plötzlech het sech ei Umzugswage nachem angere i Bewegig gsetzt. Zwüschdüre si immer ume Blaskappäuene cho, wo äs gmisch us moderner Musig u Wiehnachtlieder gspiut hei. Z ersch hei mer z Gfüuh gha, dass das dr Uftakt vor Fasanacht isch, aber wo de di Lüt uf de Wäge immer ume Merry Christmas grüeft hei, si mer de vo dere Idee abcho. Igentlech wüsse mer immer no nid rächt, was das ganze isch gsi, ob äs ize eifach ä Wiehnachtsumzug isch gsi, oder was. Wüu zwüschdüre het äs de Wäge gha mit de Turtles, ä Gospelchor, Ballerinas, Karaoke usw. Im letschte Wage isch de ömu dr Wiehnachtsma gsi, i vouer Montur, schwitz!! Mir hei üs de när nüme witer gfragt, wüu i gloube, dass mer nid drus wäre cho. Louft äbe immer no da aues ä chli verchehrt

Ize heisst äs de no packe, oder angers gseit, dr Tom söt no packe, aber dä isch momentan äm pfuse. I gloube, dass ärs de ir Nacht wird beröihe, wüu de wird är de dert müeh ha, aber lö mer das. Hei de gnue Zyt im Flugi z pfuse. Ja, u Morn äm Abe si mer de z Südafrika. Lande tüe mer z Johannisburg u när geits de witer für nach Kapstadt, für üser Ferie no us z pändle, leider.

Für unseren letzten Beitrag aus Down Under, möchte ich auch noch etwas beisteuern. Übrigens ist jetzt Christine am schlafen

.
Den letzten Tag noch ein bischen durch Melbourne zu laufen war ein netter Abschluss. Im Nachhinein muss ich aber sagen, dass mir Sydney besser gefallen hat. Auch wenn wir dort keinen Umzug gesehen haben. Ich hoffe wir können auch aus Südafrika noch ein oder zwei Beiträge übermitteln, wir werden sehen.
Auf jeden Fall wird es wieder ein laaaaanger Flug in einem engbestuhlten Quantasflieger. Und zuvor müssen wir auch noch nach Sydney fliegen.
Abschliessend möchte ich noch sagen, dass uns Australien mächtig gut gefallen hat. Wer weiss, vielleicht werden wir irgendwann wieder einmal hierher kommen...